اسلام آباد : حج 2025 پر جانے کے خواہشمند افراد کو یہ سرٹیفکیٹ لازمی رکھنا ہوگا نہ ہونے کی صورت میں حج پر روانگی ممکن نہیں ہوگی۔
معلومات کے مطابق وزارت مذہبی امور کی جانب سے اگلے سال حج پر جانے والے 65 سال سے زائد عمر کے عازمین کیلئے کورونا ویکسین سرٹیفکیٹ لازمی قرار دے دیا۔
ترجمان نے کہا کہ کورونا کاسرٹیفکیٹ نہ ہونے کی صورت میں سفر حج پر روانگی ممکن نہیں ہو سکے گی ۔ درخواست گزار کو متعلقہ بینک میں 10 فروری 2025 سے قبل سعودی عرب کی منظور شدہ کورونا ویکسین کا سرٹیفکیٹ جمع کرانے کی یقین دہانی پر درخواست جمع کروانے کی مشروط اجازت دی گئی ہے۔
خیال رہے حج 2025 کے لیے تقریباً 3 گنا زیادہ درخواستیں موصول ہورہی ہے اب تک، پہلے 2 روز میں مجموعی طور پر 4774 درخواستیں موصول ہوئیں۔
دستاویز میں بتایا گیا تھا کہ گزشتہ برس پہلے 2 دنوں میں 1300 سے زائد جبکہ ابتدائی 10 دنوں میں 13 ہزار درخواستیں موصول ہوئیں تھیں۔
ریگولر سرکاری حج اسکیم کے تحت 4734 درخواستیں جمع ہوئیں جبکہ بینکوں کو اسپانسرز شپ اسکیم کے تحت 40 درخواستیں موصول ہوئی اب تک ریکارڈ کے مطابق۔
